Чучунаа уонна Суланьа: сэһэн
Обложка

Чучунаа уонна Суланьа: сэһэн

Якутскай

Саха сиринээҕи кинигэ издательствота

1984

166 с.

Краткое содержание

Хоту дойду суруйааччыта Николай Абыйчанин эбээн норуотун олоҕун-дьаһаҕын, өйүн-санаатын, сиэрин-туомун сэһэҥҥэ олус дириҥник итэҕэтиилээхтик көрдөрөр. Сэһэн эбээн норуотун үһүйээнигэр олоҕуран суруллубут, ол курдук, бэйдиэ сылдьар киһи, күрүөйэх – Чучунаа - Муураанньа, кини эбээн кыыһыгар Аймучаҕа – Суланьаҕа тапталларын туһунан.
Чучунаа диэн дьонтон, киһиттэн тэйэн, куотан, күрэнэн, наар хайалаах сиринэн бэйдиэ сылдьар кыыллыйбыт киһи буолар. Чучунаа Муураанньа диэн ааттаах. Кини тас көрүҥүнэн буоллаҕына сүрдээх эдэркээн. Бытыга саҥа бытыгыраан эрэр. Сирэйигэр биир да мырчыстыгас суоҕа, сабыстыгас, хойуу хаастаах, чараас хоҥоруулаах кылгас соҕус көнө муруннаах, тэтэркэй уҥуох сирэйдээх, тиэрбэс курдук төгүрүк, хатат уотунуу кылабачыгас харахтаах. Уоттан саллар, куттанар, чугаһаабат. Сыыдам атаҕын, модун харытын күүһүнэн айаҕын ииттэр. Кыра сылдьан тулаайах хаалан, дьонтон тэйэн таас хайаларынан сылдьыбыт Тумус Тааска уонна Иргичээҥҥэ. Ол гынан баран, эдэр эбээн булчутун кытта көрсөн икки ардыларыгар чугасыһаллар, доҕордуу буолаллар. Булчут кыһыны атаара, бултуу-алтыы Тумус Тааска кэлэр, онно билсэннэр чучунаа бэлэх быһыытынан чубуку, тайах этин аҕалан бэрсэр буолар, өссө биир түүн кэлэн бөрөлөртөн быыһыыр. Тумус Таас – булдунан-алдынан көһө сылдьар омуктарга төлөммөт иэстээх дойду.
Дьэ оннук сылдьан, чучунаа былыр оҕо эрдэҕинэ мунан сүтэрбит тордоҕун көрдүү сылдьан бөрөҕө түбэһэн, хапсыһан, атаҕын өлөрөн сыттаҕына эдэркээн, үчүгэйкээн кыыс уонна эмээхсиннээх оҕонньор кэлэллэр. Аһыммыттыы-уйарҕаабыттыы көрөллөр-харайаллар. Быраһаайдаһан бараллар, чучунаа ол кыыһы ис сүрэҕиттэн умсугуйа таптыы көрөр, барбыттарыгар ордук харааста, мунчаара хаалар. Ол да буоллар өтөр кэминэн чучунаа кыыһы уоран, кыбыммытынан Индигир илин тааһын туһаайбытынан куота турар. Онтон ылата эйэ-дэмнээхтик холбоһон ыал буолан олороллор. Суланьа чучунааны киһи буоларга үөрэтэр-такайар, бииргэ бултууллар Индигир уонна Халыма өрүстэрин арҕастарынан, уоллаах кыыс оҕолоноллор.

Кинигэ ис хоһоонун кылгастык кэпсээтэ вед. библиотекарь Нарыйа Васильева, СӨ национальнай библиотеката, Оҕо ааҕар киинэ

Абыйчанин, Николай Васильевич.
Чучунаа уонна Суланьа : сэһэн / Николай Абыйчанин. - Якутскай : Саха сиринээҕи кинигэ изд-вота, 1984. - 165, [1] с.

Войдите в систему, чтобы открыть документ

Материалы по теме
Вам будет интересно